Byddwn ni’n gweithio ochr yn ochr â grwpiau a sefydliadau lleol, er mwyn iddyn nhw allu arwain, cysylltu dylanwadu ar a chryfhau’u cymunedau’n well. Er mwyn gweithredu’n gymdeithasol mewn dull cadarnhaol o ran beth sy’n cyfri, byddwn ni’n eu cefnogi i adeiladu ar eu hasedau – pobl, adeiladau a thir. Byddwn ni’n gweithio gyda rhanddeiliaid a phartneriaid i gynyddu effaith a thyfu adnoddau.

Mae gwella sut mae pobl yn teimlo amdanyn nhw’u hunain a’u cymuned yn golygu pawb yn gweithio gyda’i gilydd i adeiladu ymddiriedaeth, parch a dealltwriaeth. 

Mae gwirfoddoli, cynnwys y gymuned a gweithredu’n arwain at gymunedau cysylltiedig a gwydn, ble bydd pobl yn cael eu trin yn deg, yn mwynhau iechyd da ac yn meddu ar yr adnoddau sydd eu hangen arnynt.

• Cefnogi a gwrando ar ddatblygiad cymunedau i fod yn fwy cysylltiedig a gwydn;
• Adeiladu ar gryfderau unigolion a chymunedau drwy gyfrwng gwirfoddoli, ymwneud cymunedol, a gweithredu;
• Gweithio gydag eraill i wella llesiant, taclo tlodi a lleihau anghydraddoldeb.

• Gweithio’n gynaliadwy, gan ystyried anghenion amgylcheddol, economaidd a chymdeithasol pobl leol a chymunedau.
• Cefnogi pob aelod gan roi ystyriaeth arbennig i anghenion grwpiau llai.
• Hybu cyfleoedd cyfartal a chyfiawnder cymdeithasol, gan anelu at gyrraedd yr unigolion a’r grwpiau hynny sydd fwyaf anghenus.
• Cefnogi gweithredu gwirfoddol, gan anelu at hybu a hwyluso ymwneud defnyddwyr gwasanaeth, gofalwyr a dinasyddion.
• Bod yn hyblyg ac ymatebol i anghenion cyfnewidiol aelodau.
• Cefnogi a datblygu gweithio mewn partneriaeth ar bob lefel i adnabod, mynd i’r afael â, a darparu gweithredoedd sy’n cwrdd ag anghenion cymunedau lleol.
• Gweithio gydag eraill gan ddefnyddio dulliau sy’n seiliedig ar asedau, datblygu cymunedol a chydgynhyrchiant.
• Gwella, nid cystadlu yn erbyn, gwaith sefydliadau sy’n aelodau.

Fel CVC, mae Interlink RCT yn aelod o Cefnogi Trydydd Sector Cymru. Maen nhw’n darparu gwasanaeth cyffredinol ar draws Cymru’n seiliedig ar gefnogi’r pedwar piler canlynol:  

• gwirfoddoli
• llywodraethiant da
• trydydd sector ffyniannus a chynaliadwy
• dylanwadu ac ymgysylltu strategol