Rydyn ni’n darparu cymorth trefnu rhad ac am ddim i grwpiau cymunedol a gwirfoddol. Gall hyn fod yn wybodaeth, cyngor neu unrhyw beth sydd yn yr adran ‘y cymorth sydd ar gael’ isod. Gallwch gwrdd â chi i gael sgwrs am y cymorth sydd ei angen arnoch, a gwneud beth allwn ni i droi eich syniadau’n weithredu effeithiol. I gael sgwrs ar lein neu wyneb yn wyneb, cysylltwch â’r Tîm Cyngor Cymunedol.  

Tîm Cyngor Cymunedol 

E: communityadvice@interlinkrct.org.uk

T: 01443 846200

• Cofrestru ar Cysylltu RCT.  
• Dod o hyd i fentor cyfoed.
• Cofrestru mewn rhwydwaith.

Gallwn eich helpu gyda:

• sefydlu eich grŵp neu sefydliad eich hun
• cynllunio a datblygu eich prosiect
• cyllid, chwilio am gyllid a gwneud cais am gyllid
• datblygu a hyfforddi eich grŵp a chi
• cynnwys eich cymuned a phartneriaid eraill
• cyfleoedd rhwydweithio gyda grwpiau / sefydliadau eraill / y cyngor
• recriwtio a chefnogi gwirfoddolwyr
• eich helpu i fesur effaith yr hyn a wnewch
• hybu eich gwaith drwy sianelau digidol yn ogystal ag ymgysylltu a dylanwadu
• rheoli eich sefydliad
• darparu templedau polisi fydd eu hangen arnoch ar bynciau fel iechyd a diogelwch
• cynnal pwyllgor neu adeiladu cymunedol
• cefnogaeth i’ch grŵp yn ystod pandemig COVID-19
• trefnu mentoriaid cyfoed i’ch arwain drwy broblemau
• eich cysylltu â chyfleoedd eraill ble gallwch gael gwybodaeth a chyngor

Bydd beth fyddwn ni’n ei ddarparu’n dibynnu ar eich anghenion chi a’ch grŵp.

Gweler ein tudalen aelodaeth i weld manteisio ymuno, a ffurflen gais.  

Mae gan ein 550 a mwy o aelodau lawer o wybodaeth, sgiliau a phrofiad i’w rannu. Byddwn ni’n helpu grwpiau i ddod ynghyd a dysgu oddi wrth ei gilydd drwy gyfrwng rhwydweithiau, fforymau, neu drwy ymuno â chyfleoedd newydd i gydweithio. Cysylltwch â ni drwy ein manylion ar frig y dudalen i gymryd rhan.

Bydd y rhain yn cwrdd yn rheolaidd, Pan fyddwch chi ynddyn nhw, gallwch chi rannu gwybodaeth, cynhyrchu syniadau, clywed gan bartneriaid a chymryd rhan mewn gweithio gyda’ch gilydd i ddarparu gweithgareddau a gwasanaethau cymunedol newydd. Ein prif rwydweithiau a fforymau yw: 

• Rhwydwaith Plant a Phobl Ifanc
• Fforwm Iechyd Meddwl Cwm Taf
• Rhwydwaith Rheoli Gwirfoddolwyr Cwm Taf
• Grŵp Ymgynghorol Partneriaeth Gymunedol Leol
• Y Rhwydwaith Iechyd, Gofal Cymdeithasol a Llesiant

Dysgwch ragor amdanynt ac ymunwch drwy gyfrwng ein tudalen Ymgysylltu a Dylanwadu.

Gall cynnwys pobl wneud gwahaniaeth mawr i brosiect eich grŵp. Ar gyfer tîm bach, gall olygu:

• cael gwell syniad am yr hyn sy’n cyfri i’ch cymuned
• cael pobl sydd â’r sgiliau a’r profiad i helpu i ddatblygu a chyflawni eich prosiect
• bod yn fwy creadigol drwy gynnwys pobl â syniadau gwahanol
• recriwtio mwy o wirfoddolwyr i gefnogi eich gwaith
• cael eraill i gynorthwyo gyda chynnal eich grŵp

Ar gyfer grŵp cyngor, bwrdd iechyd neu bartneriaeth, gallai olygu:

• gofyn i bobl beth sy’n bwysig iddyn nhw a’u cymuned
• gofyn i bobl sy’n derbyn gwasanaeth sut y gellid ei wneud yn well
• darganfod pwy sy’n defnyddio parc lleol ac a hoffen nhw gymryd rhan mewn grŵp o natur ‘cyfeillion’ i helpu rheoli’r parc

I weld sut y gallwn ni gael pobl i gymryd rhan yn eich prosiect, neu os hoffech chi fod yn rhan o brosiect a gynhelir gan bartneriaid, cysylltwch â ni gan ddefnyddio’r manylion cyswllt ar frig y dudalen.

Rydyn ni’n cefnogi grwpiau i ddod o hyd i bartneriaid i weithio gyda nhw all helpu i ddatblygu cynlluniau a phrosiectau cryfach gyda nhw. Er enghraifft, fe allai hynny olygu dod o hyd i grŵp arall sy’n gweithio gyda phobl nad yw eich grŵp chi’n cyrraedd atynt ar hyn o bryd. Gallai gynnwys cysylltiadau mewn cyrff cyhoeddus fel y cyngor lleol neu’r bwrdd iechyd lleol, yn ogystal â grwpiau cymunedol a gwirfoddol eraill.

Rydyn ni’n datblygu perthynas ymysg grwpiau neu sefydliadau er mwyn iddyn nhw allu cynllunio prosiectau gyda’i gilydd o’r dechrau.

I drafod gweithio mewn partneriaeth, defnyddiwch ein manylion cyswllt ar frig y dudalen.